Hemen zaude: Hasiera Albisteak Berdel Aipamena 2018 hautagaien proposamena.

Berdel Aipamena 2018 hautagaien proposamena.

2017/12/01

Mutrikuko Udalak 2018rako Berdel Aipamenerako hautagaiak zein izan daitezkeen proposatzeko aukera zabalduko du.

Mutrikuko Udala, hasi da dagoeneko 2018ko Berdel Egunaren inguruko gaiak lantzen. 

2018ko Berdel Eguna, beste urteetan baina goizago ospatuko da, horretarako jarri den data martxoak  24a izan delarik, Aste Santuaren aurretik alegia. 

Urtero, Berdel Eguneko ospakizunei hasera emanaz, Berdel Aipamena eman ohi da, nolabait Mutrikuren onerako lan egin duten pertsona, elkarte e.a.ei euren lana eskertzeko ideiarekin. 

Aurten Berdel Aipamena martxoak 16an emango da, baina hautagaien proposamenak lantzeko garaian aldaketa izango da. 

Orain arte, Udal Garapen Batzordeko ordezkariek ekarri izan dituzte aipamen hau merezi duten hautagaien izenak, eta ondoren horien artean adosten zen zeini eman. Datorren aipamenerako, prozesu hau herrira zabaltzea erabaki da. Hau dela eta,  abenduak 4tik abenduak 15 arte (biak barne) herritarrek  Berdel Aipamena merezi duten hautagaiak aurkezteko aukera izango dute. 

Horretarako datu batzuk luzatzen ditu Udalak, alde batetik, orain arte Berdel Aipamena jaso dutenen zerrenda. Bestetik,  hautagai horiek proposatzeko kontutan izan behar diren irizpide orokor batzuk. 

Berdel Aipamena  oroigarri edo  plaka bat izan ohi  da. Plakak Mutrikuko irudi  bat du grabatuta eta bertan Mutrikuko Berdel Egunaren baitan ematen  den saria dela  adierazten da. 

Herritarren inplikazioa eta parte hartzea

Pauso txiki honekin, Mutrikuko Udalak herritarren inplikazioa eta parte hartzea bultzatu nahi dute, Berdel Egunaren antolaketan parte hartzaile gehiago sustatu eta gainera parte-hartze  ohiturak  herrian bultzatzeko. Horrez gain, herritarrek hautagaiak proposatzeko aukera zabaltzeak ikuspegia zabaldu eta ekimena aberastuko duelakoan dago Udala. 

Zein izan daiteke hautagai: 

Hautagaia pertsona fisiko bat,  elkarte bat, entitate bat, enpresa bat, proiektu bat… izan daiteke. 

Hautagaiak ez du Mutrikukoa izan beharrik, baina nolabait herriarentzako onura bati loturik egon behar du. 

Hautagaitza aurkezteko garaian,  kontutan izan beharko da aurretik zeini eman zaion aipamena, ez errepikatzeko  eta udalak ezarritako irizpide batzuk. Segidan zerrendatzen dira irizpide hauek.  

 

Kontutan izan beharreko irizpideak: 

Azpian dauden irizpide hauek edo hauetakoren bat bete behar dute hautagaitzara aurkezten diren pertsonek, beti ere Mutrikuri begirako ikuspegi batetik hartuta. 

1. Mutriku kanpoan ezagutzera  ematen du, herriaren irudi on bat zabalduaz. 

2. Bere ibilbidea edo historiaren pisua.(Mutrikuri lotua)

3. Mutrikurentzako  ekarri duen onura (ekonomikoki, lanpostu aldetik, materiala ez den beste ikuspuntu batetik…) 

4. Mutrikuko historiarekin edo Mutrikuko itsas alorrarekin erlazioa izatea.

5. 2018an, Mutrikuko ekimen berezi bati loturik egotea. (urteurren bat izatea, ekintza konkreturen bat…) 

 

Orain arte Berdel Aipamena jaso dutenak: 

Dagoeneko asko dira Berdel Aipamena jaso dutenak, izan ere lehen aldiz 2001ean eman baitzen aipamen hau. Ordutik hona, urtero eman izan da aipamen berezi hau, udal pleno aretoan egiten den ekimen xume baina hunkigarri batean. 

Orain artean Mutrikuko Berdel Aipamena jaso dutenak: 

2001_ Arrantzaleei (Generikoa)-Maritxu benteria.

2002_ Zizzo kontserberoak.  

2003_ Sadako kofradia.

2004_ Moja Agustindarrak. 

2005_ Luis Peña Gantxegi

2006_  Kresan eta Elenita Berria itsasontziak.

2007_ Ziriako Andonegi, Txairo, Itoitz eta Delirium Tremens. 

2008_ Amets Txurruka txirrindularia.

2009_ Mutrikuko Sokatira Taldea .

2010_ Akelarre eta Goizeko Izarra antzerki taldeak.

2011_ Jesus Mari Narvaez eta Esperanza Azkarraga.

2012_ Mutrikuko Musika Banda

2013_ Jontxu Elordi eta Juan Lareina. 

2014_ Garai bateko arrain saltzaileak. 

2015_ Goizeko izarra dantza taldea

2016_ Iñigo Lezertua.

2017_ Yurrita Kontserbak enpresari. 

 

Hautagaiak proposatu:  

 

- Presentziala: papel hau bete eta Mutrikuko Turismo Bulegoan aurkituko duzun kutxan sartu

- On-line: Lotura honetan 

 

Berdel Aipamena 2018 hautagaien proposamena.

Berdel Aipamena2018