Agurra

 

Mutriku, 2020ko abenduak 20

Bazkide /erabiltzaile agurgarri hori:

 

Mutrikuko Udal Kirol Zerbitzuetatik GABON ZORIONTSUAK eta 2021 URTE BERRI ON opa nahi dizuegu udaleko ordezkari eta kiroldegiko lan talde osoaren partetik.

 

Egungo COVID 19-ak, ez ohiko egoera batera eraman gaitu,  kiroldegiko zerbitzuan eragina izan dituen neurri ezberdinak hartu behar izan ditugularik. Gizarteko arlo guztiak gogor astindu ditu zorigaiztoko gaitzak eta beti esan ohi dugun moduan, zuen bidelagun izan nahi dugu, jarduera osasuntsuak elkarrekin egiteko asmoz.

 

Zugana jotzen dugu, Mutrikuko Udal Kiroldegiak eskaintzen dituen zerbitzu guztietan, izan KIROLDEGIKO BAZKIDE zein zuzendutako saioen ERABILTZAILE moduan gugan jarritako konfidantza eskertzeko asmoz.

 

Gabonetako zoriontze gutun honekin batera, 2021 urteko instalazioaren egutegia ikusi ahal izango duzu.  Udaleko web orritik (www.mutrikukoudala.eus ),  zein Kiroldegiko Harrera Zerbitzuan  kiroldegiak eskaintzen dituen zerbitzu guztiak izango dituzu eskura: aipatutako 2021 urteko egutegia, aktibitateak, ordutegiak e.a…

 

2021 urtean ez dugu igoerarik aplikatuko kiroldegiko zerbitzuen prezio publikoetan. Azken urteotan bezala, prezio bereziak izango dituzue jubilatu, langabetu edo eta ikasle gazteak bezalako taldekoa bazara.

 

Zuen leialtasuna eskertzeko asmoz, kiroldegiko bazkidetza berritzen duzuenoi, fitness gelan edo saio gidatuetara joan ahal izateko 4 gonbidapen-sarrera oparitu nahi dizkizugu, zuek 2021 urtean zehar eman nahi diozuenari oparitzeko. Gonbidapen-sarrerak urtarrilaren 15etik Aurrera eskatu ditzakezu. Baldintza bakarra da fitness gelako edo zuzendutako saioetan lekua izatea aurrez hartu behar delako hitzordua.

 

Urtarrilaren 15ean 2021 urteko bazkide-abonuen berritzeei ekingo diegu automatikoki. Kiroldegian baja eman nahi izanez gero, abisatu Kiroldegiko Harrera Zerbitzuari urtea bukatu aurretik.

 

Eskerrik asko erakutsitako leialtasunagaitik.

 

                   Adeitasunez,

  

 Aitor Itza Iparragirre             

                                             Mutrikuko Udaleko Kirol Zinegotzia