Eskalada eta slackline

Mutrikun eskalada eta slackline praktikatzeko guneak

Mutrikun hainbat  gune daude aktibitate hauek praktikatzeko

Olatz-eko eskalada gunea

Olatzeko Kobalde kobazuloaren alboan kokatzen da, San Isidro ermitaren atzean.

Datu teknikoak:
Arroka mota: Kareharria
Bide kopurua: 25
Bideen gehieneko altura:30m
Gutxiengo/ gehiengo zailtasun: V/7b-A2
Interes teknikoa: Entrenamendua

Saturraraneko eskalada gunea

Saturraran hondartzaren ondoan, Ondarroara doan oinezko ibilbidea hartuta, eskaladako gune txiki bat aurki dezakegu.

Datu teknikoak:
Arroka mota: Konglomeratua
Bide kopurua: 12
Bideen gehieneko altura: 12m
Gutxiengo/ gehiengo zailtasun: IV/6b
Interes teknikoa: Ikastaroak eta entrenamendua

Burumendiko Slackline gunea

Slackline, oreka ardatz duen kirola da. Horretarako, bi punturen artean teinkatzen den zinta plana bat erabiltzen da. Zintaren ezaugarriek, bere gainean salto, akrobaziak eta yoga posturak egiteko aukera ematen du.

Mutrikun slackline-a praktikatzeko gune bat egokitu da kirol departamentutik Burumendiko gunean, Mutrikuko hondartzatik oso gertu.

Bakoitzak bere zinta ekarri behar du eta panel batek egin beharreko hastapeneko pausuak zein diren erakusten dizkigu.