'Irakurri, gozatu, oparitu' egitasmoa
- https://www.mutriku.eus/eu/agenda/irakurri-gozatu-oparitu-egitasmoa
- 'Irakurri, gozatu, oparitu' egitasmoa
- 2013-04-23T08:00:00+02:00
- 2013-06-30T23:00:00+02:00
- Antolatzaileak: Karenka, Udala eta Topagunea
- 'Irakurri, gozatu, oparitu' egitasmoa
- Noiz 2013/04/23 08:00 - 2013/06/30 23:00
- Non Liburutegia eta herriko liburu dendak
Egitasmo honek irakurzaletasuna bultzatzea du xede: herritarrak euskarazko liburuak irakurtzera animatu nahi ditu.
Kanpainaren izenak adierazten duen bezala, hiru pauso eman behar dira parte hartzeko:
- Irakurri. Lehenengo pausoa irakurtzea da; euskaraz irakurtzea. Horretarako, herriko liburutegi publikora joan, eta euskarazko edozein liburu maileguan eskatu beharko da.
- Gozatu. Liburua irakurritakoan, liburutegira bueltatu, eta fitxa sinple bat bete beharko da. Fitxa hori beteta, liburuzainak erosketa-txekea emango dio irakurleari herriko hiru liburu dendetako baten erabiltzeko. Liburutegian jasotako txartelarekin, euskarazko beste edozein liburu erostean erosketaren %25eko beherapena egingo dizuete.
- Oparitu. Azken pausoa, liburua oparitzea da: lagun bati, senide bati, edo norbere buruari.