BAKE EPAILEAREN IZENDAPENERAKO BALDINTZAK ETA ESKAKIZUNAK
2021eko urtarrilaren 28ko Udalbatzaren osoko bilkuran Mutrikuko Bake epailea eta bere ordezkoaren aukeraketa prozesurako ondoko oinarriak onartu ziren:
Postuaren ezaugarriak:
Lau urteko epealdirako izendapena.
Hautagaien baldintzak:
· 18 urte beteak izatea eta naziotasun espainiarra izatea.
· Karguaren funtzioak normaltasunez betetzea galeraz diezaioketen ezintasun psikikorik edo fisikorik ez izatea.
· Doluzko delituengatik auziperatua ez izana, auziperatua eta absolbitua izan ez bada.
· Doluzko delituengatik kondenatua ez izana, birgaitua izan bada izan ezik.
· Euskararen ezagutza, gutxienez hizketarako gaitasuna duena, Mutrikun %90ean euskaraz hitz egiten dela kontuan hartuta. Behar izanez gero udaleko euskara zerbitzuak egiaztatuko du baldintza hau betetzen dela.
· Kargu politikorik edota sindikalik ez izatea.
· Funtzionario edo Administrazio bateko langile ez izatea, ez eta bere ardurapeko organismo bateko langilea ere (irakaskuntzan edo ikerketan dihardutenak salbu).
· Abokatu edo Prokuradore lanetan ez aritzea.
· Aholkularitza Juridikoan ez jardutea, ordainduta zein ordaindu gabe.
· Mutrikuko udalerrian bizitzea, ekainaren 7ko Bake Epaileen 3/1995 Araudiko 17. Artikuluan ezartzen denez.
· Aginte Judizialaren Oinarrizko Legearen 102. 302, 323 eta 389tik 397rako artikuluek arautzen duten bateraezintasun edo debekatze suposamenduetan ez egotea.
Eskarien aurkezpena:
Interesa duten pertsonek eskaera orria aurkeztu beharko dute Mutrikuko Udaleko Erregistro Orokorrean. Eskaera orria aurkezteko azken eguna martxoaren 24a izango da.
Interesdunek agertu beharko dute eskaera orrian, eskatzen diren baldintza guztiak betetzen dituztela, eskaerak aurkezteko epea ixteko egunean.
Eskuratu eskari orria hemen klik eginda.