Hotelak eta pentsioak

Hotelak Mutrikun

Arbe Hotela

Mutrikutik Debarako bidean dago Arbe Hotela, abangoardia diseinuko hotel familiarra,  kantauriar itsasoko ikuspegi bikainarekin eta igerileku apartaz gozatzeko aukerarekin.

Ingurumenean interes berezia dute Arbe Hotelean eta horren adierazgarri, hotelak beroketarako duen geotermia sistema da.

Berrikuntza ere maite dute eta hatz marka digitalaren bidez irekitzen dira logeletako ateak.

Zumalabe Hotela

Mutrikuko portuaren gainean kokaturik dago Zumalabe Hotela, paregabeko bista ederrekin.

Sei logela ditu eta guztietatik kaia nahiz itsasoa ikusi daitezke, hauetako hiruk gainera terraza eder bat dute.

Logela  guztiek dituzte: telebista, WIFI bidezko internet konexioa, klimatizagailua eta bainu gela.