"Kirolaz Blai" Kirol Uda Kanpaina

Ideia honen helburua, Haurrak Kirol ezberdinak ezagutzen datza, hauen oinarrizko ezagupena eduki dezaten. Honela, Etorkizunean gehien gustatzen zaion kirola aukeratu ahal izango du, talde lana eta haurren arteko erlazioa suspertu nahi delarik, baina ez ahaztu garrantzitsuena .... ONDO PASATZEA DA !!

KIROL UDA KANPAINA 2020

 

1. BEHIN BEHINEKO “KIROLAZ BLAI” KIROL UDA KANPAINA IZEN EMATE ORRIA:

 

Epea: Ekainak 26rako

- Izen eta 2 abizenak

- Jaiotze data

- Ikastetxea

- Guraso edo tutoreen izen abizenak

- Guraso edo tutoreen mugikorra(k)

- Korreo elektronikoa

- Izen ematea onartutzat emateko, BAIMENAK atala behar bezala beteta aurkeztu beharko da.

- Kuota: 55€ partaide bat. Familiko 2 partaide 100€. Familiko 3 partaide 140€. Autobusa behar diren ekintzetarako 10€ gehio ordaindu beharko dira

Ekainak 26rako ordainagiria aurkeztu beharko da. Transferentzia edo ordainketa egin beharreko kontu zenbakia eta kontzeptua:

 

 SABADELL ES 46  0081 4245 180001059208

KONTZEPTUA: “2020 KIROLAZ BLAI” + ikaslearen izena.

 

 2. INFORMAZIO OROKORRA ETA GARRANTZITSUA:

 

- Iraupena: Uztailak 1-17 bitartean.

 Astelehenetik ostiralera 10.00.12.30 bitartean. Ordutegia orientagarria da ekintzen erabera.

- Kuota: 55€.

 Kopuru mugatua: LH3 tik DBH 2. Mailako, biak barne, 150 haur eta gazteei zuzenduta.

- Ez ohiko Covid 19 egoera:

. Eguraldiaren arabera eta COVID 19 ez ohiko neurriek behartuta, aukera egon daiteke aktibitateak aldatu behar izatea edo eta bertan behera geratzea.

. Maskarilla. Ume edo gazte bakoitzak bere maskarilla ekarri beharko du eta maskarilla gordetzeko poltsa (aholkatzen degu kongelatzeko erabiltzen diren plastikozko poltsa izatea).

. Umeak edo gazteak dituen beldur edo alergiak zeintzuk diren adierazi.

. Seme edo alabak etxean tenperatura hartuta etorri beharko dira eta sukarra izanez gero, ezin izango da udaleku irekira bidali. Sukarra izanez gero, antolakuntzari adieraziko zaio.

. Seme alabei etxean ere azaldu behar zaie 1,5 m distantzia mantentzen saiatu behar direla eta ezin dutela konpartitu ezer beste lagunekin.

. Eguzkitako krema etxetik emanda etorri beharko dira, biserekin batera. Bakoitzak bere ura ekarri beharko du. Euria egon daitekeen egunetan xira ekarri beharko dute.

. Jakinarazpenak: Ikasleei emango zaizkie orrien bidez eta Whatsapetik ere difusio taldeetan emango dira.

. Informazio gehiago: mutrikukoeskolakirola@gmail.com edo 653748475 mugikorrean eta udaleko web gunean, Kirolaz Blai Kirol Uda Kanpaina atalean.

 

3. PLANGINTZA- EGITARAUA.

 

4. GURASO EDO/ETA TUTOREEI BIDALTZEKO JAKINARAZPENA

NORK BIDALIA: MUTRIKUKO ESKOLA KIROLEKO KONTSEILUA (Samiela ikastetxeko guraso elkartea, Goizeko Izarra ikastolako Saturran Guraso elkartea eta  Mutrikuko Institutoko Idurre Guraso elkartea eta Mutrikuko Udal Kirol Zerbitzuak):

Kaixo guztioi!!

 

Aurten, Covid 19 pandemia dela eta, egoera desberdin batean gaude eta Osasun Saileko gomendioak jarraituz, neurri zehatz batzuk bete behar ditugu egunero, horretarako, bai guraso bai seme alaben laguntza beharko degularik.

 

Zorrotz bete behar ditugun betebeharrak: 

 

  1. Seme edo alabei etxetik irten aurretik sukarra hartu beharko zaie. 37.1 ºC tik gora izanez gero, ezingo da Kirolaz Blaiko ekintzetara joan eta koordinatzaileari abisua eman beharko zaio.
  2. Umea saio batera ez badator aldez aurretik abisatu beharko da, eta gaixorik egonez gero, abisua eman beharko da egoera azalduz.
  3. Kirolaz Blaiko ekintzatik lehenago irten behar izanez gero, gurasoaren baimena beharko da eta ez zaio inori etxera joaten utziko gurasoaren baimena entregatuta ez badago. Gurasoek koordinatzaileari bere baimena bidali beharko diote.
  4. Ume bakoitzak bere motxila,ura....ekarri beharko ditu. Ezingo dute umeek beste lagunekin ezer konpartitu.
  5. Ume bakoitzak bere maskarilla ekarri beharko du, gordetzeko erabiliko duen poltsatxoarekin batera.
  6. Ume guztiei, temperatura ekintzen aurretik eta ondoren hartuko zaie. Sukarra izanez gero, gurasoei abisua pasako zaie eta hauen ardura izango da umearen bila joatea.
  7. Gurasoekin erabiliko den komunikazio kanala Whatsappa izango da eta eguneroko ordutegiak, irteera eta bukaerako puntuak aurrez jakinaraziko dira.
  8. Umeren batek Covid 19 ko sintomak erakutsiko balitu, Osasun Saileko protokoloa martxan jarri beharko genuke, umea osasun zerbitzuetara deribatu eta hauek hórrela aginduko balute, umeak parte hartzen duen taldea ekintzetatik kanpo utziaz.

 

Espero degu dena ondo ateratzea eta guztion laguntzarekin uda kanpaina polita izatea.

 

Mutrikun, 2020ko ekainaren 30ean

 

MUTRIKUKO ESKOLA KIROLEKO KONTSEILUA

ANIMATU!!
 
UDARAN ERE BUSTI ZAITEZ KIROLA EGITEN!!