Udal Kiroldegia

Udal Kiroldegia

INFORMAZIO OROKORRA

Helbidea: Hirigibel Kalea- Udal Kiroldegia

Tel.: 943 60 31 75

 E mail: mutrikukokiroldegia@gmail.com - udalkirolamutriku@gmail.com - kirola@mutriku.net

2020ko ordutegia: POST COVID egoeran. Ekainaren 8tik aurrera.

Astelehenetik ostiralera 09.00-14.00 // 16.30-21.30

Larunbatetan 09.00-14.00

Igandetan 10.00-12.30

Uda ondorengo ordutegia aurrerago zehaztuko da. Momentuz POST COVID egoerako ordutegia  abuztu bukaerararte izango dela aurreikusten da.

Zerbitzu burua: Mikel Mariezkurrena Mindegia

   

POST COVID EGOERAN KIROLDEGIAREN IREKIERA 

Mutrikuko Udal Kiroldegiko erabiltzaile eta herritar estimatua!

Azkenean iritsi da, hainbeste denboran bilatzen egon garen, kiroldegia berriro ireki ahal izateko aukera.  Udal kiroldegiko lan taldea lanean jardun dugu etengabe, zuri ahalik eta zerbitzurik onena emateko. 

Segurtasun neurri ugari ezarri behar izan ditugu baina azkenean merezi izan digu, aukera dugulako baldintza konkretu batzuen menpe, fitness gela eta saio gidatuak, instruktore onen eskutik, zure eskura jartzeko.

2 zerbitzu mota eskainiko ditugu: Fitness gela eta Saio Gidatuak (BTS saioak eta Spinningeko saioak). 

 

  • NOIZTIK ETA NOLA?

 

Ekainak 8tik aurrera zabalik izango ditugu ateak eta beti ere, aurretizko hitzorduaren bidez erreserba egin ahal izango duzu zure ordua.

Kiroldegira telefonoz deitu beharko duzu erreserba egiteko.

Kiroldegiak ordutegi eguneratua izango du zuretzako:

Astelehenetik ostiralera 09.00-14.00 eta 16.30-21.30

Larunbata 09.00-14.00

Igandea 10.00-12.30

 

 

  • ERRESERBAK
Fitness gela
Fitness gela kantxara atera degu, eta egia esanda, ikusgarri geratu da kokapen berria. Merezi du ikusteak bakarrik.
Erreserbak ordu bateko tramotan hartu ahal izango dira. 
Kiroldegia irekita dagoen ordu bakoitzeko 15 minutuz itxita egon beharko du airea berriztatu eta erabilitako guneak desinfektatzeko, hortaz, ordu tramoak honakoak izango dira:
Goizeko txanda 09.00-10.00 // 10.15-11.15 // 11.30-12.30 // 12.45-13.45
Arratsaldeko txanda 16.30-17.30 // 17.45-18.45 // 19.00-20.00 // 20.15-21.15
 
Saio gidatuak
Saio gidatuek ere berrantolatzea ere ezinbestekoa egin zaigu. Erantsitako fitxategian duzue ikusgai. Saioetara joateko ere, aurrez hitzordua edo erreserba egin beharko da.
 

 

 

 

 

 

  OSO GARRANTZITSUA: Erreserbak ekainaren 5tik aurrera egin ahal izango dira, kiroldegiko harrera zerbitzura 943 60 31 75 deituta. Kiroldegiko astean zeharreko ordutegia 09.00-14.00 eta 16.30-21.30 izango da. Kiroldegia erabiltzaileentzako ekainaren 8tik aurrera egongo da zabalik, baina harrera zerbitzua ekainaren 5tik aurrera egongo da, erreserbak egin eta  erabiltzailearen eskura informazio osoa jartzeko asmoz.

 

  • COVID 19

 

Denok ustekabean harrapatu gintuen martxoa inguruan gaitzak eta geroztik, askatasuna, zentzurik zabalenean urratuta izan dugu konfinamendu egoera gogor bat jasan behar izan dugularik. Poliki poliki egoerari aurre egin eta buelta ematen ari gara baina tentuz jokatu beharrean gaude oraindik.

3 parametro dira COVID 19 aurka kontrolpean izan behar ditugunak: Desinfekzioa, Distantzi soziala eta instalakuntzen kasuan ere, Aforoa. 

  • NAHITAEZ BETEBEHARREKOAK

 

Eransten dugun Kiroldegiko Post Covid 19 Erabilera Berriko Gida Agiria-n duzu informazio guztia. 

Laburbilduz, telefonoz bakarrik egin daitekeen hitzorduaren bidez hartu beharko da erreserba, erabiltzailea maskarilarekin etorri beharko du, tenperatura hartuko zaio, oinetako bi pare karri beharko ditu, bata kaletik jantzita eta bestea instalakuntzan erabiliko duena.  Botilina eta toalla ekartzea ere derrigorrezkoa izango da eta aldagelak eta dutxak ezingo dira erabili, hortaz kirola egiteko arropa etxetik jantzita ekarri beharko da. 

Erabiltzailearen aldetik ere,  oso garrantzitsua den beste bete beharrekoa, desinfekzioarena da. Erabiltzaile bakoitzak erabili behar dituen material edo tresna, aurretik eta atzetik desinfektatu egin beharko du. Horretarako desifekziorako produktuak eskuragarri egongo dira. Kiroldegiko garbiketa enpresak egunean bi aldiz garbitu eta desinfektatuko du sakon kiroldegia, goizeko txandaren aurretik eta arratsaldeko txandaren aurretik.

 

Astelehenetik hasiko dugun aro berri honetan ilusioz baina arduraz jokatu beharrean gaude, eta ardura guztiona izan behar da. Guztiona eta guztiontzat.

Kiroldegiko lan taldearen partetik, guztia emango dugu zueri lagundu eta zerbitzu onena emateko asmoz.

Prest gaudela uste dugu. Lan asko egin dugu aurretik, zugan gertu egon nahi izan dugunean. Astelehenetik aurrera, aukera berri bat guztiori eskaintzeko ilusioarekin aurkitzen gera eta uste dugu, gustora eta seguru aurkituko duzun instalakuntza berri aurkituko duzula.

Ongietorria eman nahi dizugu eta, distantzia mantenduz baina gure besoak zabalik aurkituko dituzu.

Astelehenerarte, elkar ikusteko unea ere iritsi da eta.

 

Laura Anda - Sara Arriola - Deñe Azpiazu - Maite Aranbarri - Oihana Aramendi - Ariane Zabala - Arlene Alkorta -  Iñaki Mateos - Edorta Marquez  eta Mikel Mariezkurrena  

Udal kiroldegiko lan taldea 

 

Aitor Itza Iparragirre

Udal Kirol Zinegotziaren babes osoarekin

 KIROLDEGIA- COVID AURKAKO NEURRIEI BURUZKO GOMENDIOAK Mutriku 20120 Maiatza dokumentua